Unidade Planeamentu, Monitorizasaun no Avaliasaun mak servisu husi DNFPL ne’ebé responsável ba planeamentu, monitorizasaun no avaliasaun ba atividade anuais husi MDRHC.
Kabe ba Unidade Planeamentu, Monitorizasaun no Avaliasaun atu:
- Prepara no elabora, ho kolaborasaun husi servisu sira seluk, planu sira ba kurtu prazu, meiu no longu prazu, tuir konformidade ho Planu Estratéjiku Dezenvolvimentu no Objetivu Dezenvolvimentu Sustentável (ODS);
- Estabelese mekanizmu koordenasaun ne’ebé presiza ho servisu sira hotu MDRHC nian, iha nivel sentrál ka nivel munisípiu, atu sentraliza elaborasaun planu asaun annual, planu operasionál, pakote fiskál, nomós elaborasaun relatóriu ezekusaun nian;
- Partisipa iha atividade sira, ekipa ka grupu traballu hotu-hotu ne’ebé destina ba prodús dokumentu estratéjiku ka polítika setórial nian.
- Akompaña negosiasaun no ezekusaun programa sira ka akordu kooperasaun ho parseiru dezenvolvimentu no ajénsia internasionál;
- Elabora relatóriu mensál, trimestrál no annual ba Planu Anuál Atividade sira MDRHC nian;
- Monitoriza no avalia projetu infraestrutura sira ne’ebé ezekuta husi MDRHC;
- Koordena ho departamentu governu responsável ba área finansas, elaborasaun no introdusaun iha sistema informátiku Planu Anuál Atividade no Planu Aprovisiomentu MDRHC nian, hanesan mós elaborasaun relatóriu no informasaun iha área planu atividade sira ne’ebé sai kompeténsia MDRHC nian.
- Efetua tarefa sira seluk ne’ebé atribuídu liu husi lei, regulamentu ka determinasaun superior nian.
Unidade Planeamentu, Monitorizasaun no Avaliasaun, hanesan ho Departamentu, no lidera husi Xefe Departamentu ida, ne’ebé nomeadu bazeia ba rejime jurídiku kargu diresaun no xefia iha Administrasaun Públika nian.
*RESOURCE: Diploma Ministerial N.º 18 /2024 de 28 de Fevereiro Artigu 27.º Unidade Planeamentu, Monitorizasaun no Avaliasaun