Departamentu Implementasaun Programa mak servisu DNDHC responsável ba implementasaun medidas sira ne’ebé rezulta husi programa dezenvolvimentu Habitasuan Komunitária nian.
Kompeténsia Departamentu Implementasaun Programa mak atu:
- Elabora no implementa planu estratéjiku atu Departamentu funsiona ho di’ak ba, nune’e tenki estabelese objetivu klaru, metas ho prazu definidu no tenki hetan aprovasaun husi Diretór DNDHC;
- Elabora no implementa planu ho proposta orsamentu internu atu aprezenta no hetan aprovasaun husi Diretór DNDHC;
- Implementa no ezekuta programa habitasaun komunitária, espesiálmente relasiona ho proposta projeitu konstrusaun habitasaun ba ema ho rendimentu ki’ik ka médiu, ho koordenasaun hamutuk ho departamentu governu relevantes;
- Implementa no ezekuta programa habitasaun komunitária, espesiálmente relasiona ho proposta projetu rehabilitasaun ba habitasaun nian;
- Implementa no ezekuta programa habitasaun komunitária, espesiálmente relasiona ho proposta projetu konsepsaun kréditu ba konstrusaun no rehabilitasaun ba habitasaun, ho koordenasaun hamutuk ho entidade relevantes sira;
- Organiza prosesu aplikasaun ba servisu reabilitasaun ba habitasaun ne’ebé deteriora ka att ona.
- Kria mekanizmu komunikasaun ho servisu sentrál, munisipál, organizasaun komunitária lokál no parseiru dezenvolvimentu, hodi implementa medidas sira husi programa ne’ebé dezenvolve.
- Dezenvolve proposta ba kuadru pessoal Departamentu nian, asegura identifikasaun ba funsaun espesífiku husi funsionáriu sira iha Departamentu nia laran, hodi kumpri no respeitu ba planu orsamentu internu nian;
- Dezenvolve dokumentu sira ne’ebé nesesáriu, iha área jestaun administrasaun públika, atu garante funsionamentu regular no efetivu ba Departamentu;
- Ezekuta tarefa seluk ne’ebé atribui liu husi lei, regulamentu ka determinasaun superior nian.
Departamentu Implementasaun Programa nian lidera husi Xefe Departamentu ida, ne’ebé nomeia tuir termu rejime legál kargu diresaun no xefia administrasaun públika nian.
*RESOURSE : Diploma Ministerial N.º 18 /2024 de 28 de Fevereiro Artigu 16.º Departamentu Implementasaun Programa