Departamentu Estudu no Peskiza mak servisu husi DNPDRI ne’ebé responsável ba peskiza relasiona ho dezenvolvimentu rural.
Kompetensia ba Departamentu Estudu no Peskiza atu:
- Elabora no implementa planu estratéjiku ba funsionamentu di’ak Departamentu ida ne’e, nune’e tenki estabelese objetivu klaru, metas ho prazu estabelesidu no tenki hetan aprovasaun husi Diretór DNPDRI;
- Elabora no implementa planu ho proposta orsamentu internu atu aprezenta no hetan aprovasaun husi Diretór DNPDRI;
- Propoin metodolojia peskiza atu defini parametru ba realizasaun estudu no halo sondajen ka survey relasionadu ho dezenvolvimentu rural;
- Publika rezultadu estudu, sondajen ka survey no halo rekomendasaun ne’ebé presiza ba vários departamentu governu MDRHC nian depoisde estudu no survey realizadu ona;
- Rekomenda implementasaun ba vários departamentu governu nian;
- Dezenvolve estudu tekniku no peskiza iha área dezenvolvimentu rural integradu, ho objetivu atu halo formulasaun medidas no polítika relevante ba Ministériu;
- Promove no prepara debate ho departamentu governu seluk hodi halo diagnóstiku ba área prinsipal sira iha dezenvolvimentu rural integradu nian;
- Elabora sondajen ka survey hodi halo diagnóstiku ba nesesidade prioridade dezenvolvimentu rural integradu, nunee bele organiza iha forma baze dadus ida ho informasaun hotu ne’ebé mak rekolha ona;
- Kolabora iha dezenvolvimentu programa internu ka iha kooperasaun téknika ho organizasaun nasionál ka internasionál sira, atu rekolha no trata dadus relasionadu ho dezenvolvimentu rural integradu;
- Kria mekanizmu komunikasaun ho servisu sentrál, munisípiu, organizasaun komunitária lokal no parseiru dezenvolvimentu, atu fasilita rekolha dadus no implementasaun medida relasionadu ho tarefa Departamentu ne’e.
- Elabora no dezenvolve proposta ba estrutura pesoal Departamentu nian, asegura identifikasaun funsaun espesífiku ba funsionáriu sira ne’ebé iha Departamentu, ho respeitu ba planu orsamentu internu.
- Elabora dokumentu sira ne’ebé presiza, iha ámbitu área administrasaun públika nian, atu asegura funsionamentu regular no efetivu Departamentu nian;
- Hala’o knaar tarefa seluk ne’ebé atribuí tuir lei, regulamentu ka desizaun superior nian.
Departamentu Estudu no Peskiza lidera husi Xefe Departamentu ida, nomeadu tuir termu rejime jurídiku kargu diresaun no xefia Administrasaun Públika nian.
*RESOURCE: DECRETO-LEI N.º 67/2023 de 14 de Setembro Artigo 5.o Departamentu Estudu no Peskiza