Unidade Infrastrutura Rede no Seguransa, ho liafuan badak UIRS, nudár servisu husi Gabinete ba Transformasaun no Dijitalizasaun ne’ebé responsável hodi garantia konektividade ba ekipamentu sira ne’ebé iha Ministériu nia laran.
Kompeténsia UIRS atu:
- Dezenvolve no implementa estratéjia ba infrastrutura Rede Ministériu nian, inklui LAN (Local Area Networks), WAN (Wide Area Networks) no Rede wireless;
- Supervisiona gestaun no manutensaun ba infrastrutura Rede Ministériu nian, inklui sentru dadus, servidores, sitema armazenamentu no infrastrutura núvem ou cloud system;
- Implementa no mantén medida seguransa Rede atu proteje Rede no dadus Ministériu nian kontra aksesu ne’ebé la autorizadu ou legal, ameasa siber-netika ou cybersecurity no violasaun dadus;
- Monitoriza dezempenhu Rede no identifika área ne’ebé tenke hadia;
- Implementa ferramenta no téknika atu otimiza dezempenhu Infrastrutura Rede nian;
- Estabelese prosedimentu backup no rekuperasaun;
- Garante dezempenhu Rede ótima iha Ministériu hotu-hotu;
- Alokasa rekursu efikaz, balansia nesesidade operasaun, atualizasaun teknolójika no otimizasaun kustu;
- Komunika efetivu ho partisipante sira ne’ebé laos tekniku, tradús konseitu tekniku kompleksu ba térmu ne’ebé kompreensível;
- Promove dalan komunikasaun efetivu iha Departamentu no iha Ministériu nia laran;
- Dezenvolve no implementa estratéjia seguransa informasaun ne’ebé alinha ho objetivu Ministériu nian no toleránsia ba risku;
- Estabelese política, norma no prosedimentu seguransa informasaun hodi orienta praktika seguransa Ministériu nian;
- Definí no komunika importánsia seguransa informasaun ba funsionáriu sira no partisipante sira ne’ebé interesadu;
- Identifika, avalia no atribui prioridade ba risku seguransa informasaun nian;
- Supervisiona operasaun seguransa diária Ministériu nian, inklui dezenvolvimentu planu no prosedimentu resposta ba insidente seguransa atu garantia resposta oportunu no efikas ba insidente seguransa sira;
- Garante kontrolu no mekanizmu seguransa inkorporadu iha desenhu sitema informasaun, Rede no infrastrutura;
- Dezenvolve no fornese programa sensibilizasaun no formasaun ba materia seguransa nian atu eduka funsionáriu sira kona-ba nia funsaun no responsabilidade iha seguransa ativu informasaun nian;
- Realiza auditoriu no avaliasaun períodiku atu halo validasaun ba konformidade no implementasaun akta koreta ne’ebé presiza;
- Realiza tarefa seluk ne’ebé atribui husi lei, regulamentu, ka desizaun superior nian.
Unidade Infrastruturas Redes no Seguransa lidera husi Xefe Departamentu ida, ne’ebé nomeadu tuir termus réjime júridiku ba kargu diresaun no xefia iha Administração Públika nian.
*RESOURCE: Diploma Ministerial N.º 18 /2024 de 28 de Fevereiro Artigu 32.º Unidade Infrastrutura Rede no Seguransa