Diretoria Nasionál ba Aprovisionamentu, abreviadamente DNA, mak servisu husi DGSC ne’ebé asegura realizasaun atividade material ne’ebé presiza atu hala’o prosesu aprovisionamentu no jestaun kontratu públiku ne’ebé Estadu sai partebaliu husi intermédiu MDRHC.
DNA nia responsabilidade mak:
- Asegura realizasaun atividade ne’ebé presiza atu hala’o prosesu administrativu aprovisionamentu MDRHC nian tuir lejislasaun no orientasaun superior nian;
- Dezenvolve planu aprovisionamentu Ministériu nian no asegura katak planu ne’e mantein atualizadu durante tinan finanseiru nian, relata kona-ba análize tendénsia, alterasaun ba planu no impaktu iha ezekusaun orsamentu nian;
- Elabora no fó informasaun no indikadór estatístiku kona-ba atividade aprovisionamentu no asegura rejistu kompletu no atualizadu ba prosesu aprovisionamentu hotu iha MDRHC;
- Prepara dokumentasaun relasionadu ho prosesu aprovisionamentu, tuir kalendaru ne’ebé hatudu;
- Emite, wainhira nesesáriu, pareser kona-ba prosedimentu aprovisionamentu atu hodi akompaña akizisaun bens ka servisu ka wainhira halo obras ruma MDRHC nian;
- Dezenvolve, implementa, no disemina diretriza no prosedimentu operasionál padronizadu ba prosesu aprovisionamentu no rekursu iha área aprovisionamentu; g. Koordena no harmoniza realizasaun aprovisionamentu tuir orientasaun superiór husi Ministru sira ka entidade públiku seluk ne’ebé legalmente kompetente ba efeitu ne’e;
- Mantein atualizadu rejistu no arkivu ba kontratu públiku hotu iha MDRHC no sira nia ezekusaun;
- Kria, jere, no mantein atualizadu baze dadus forneseidor MDRHC nian;
- Realiza tarefa seluk ne’ebé atribuídu husi lei, regulamentu, ka determinasaun superior nian.
DNA nia direta husi Diretor Nasionál, ne’ebé subordinadu hierarquicamente ba diretor-geral servisu korpórativu, nomeadu iha termu sira husi régimu jurídiku ba kargu direta no lideransa iha Administração Públika.
*RESOURCE: DECRETO-LEI N.º 67/2023 de 14 de Setembro Artigu 20.º Diresaun Nasionál ba Aprovisionamentu