Departamentu Analiza Sustentabilidade Programa nian hanesan servisu husi DNCQH responsável atu analiza sustentabilidade programa sira ba Habitasaun MDRHC nian.
Departamentu Analiza Sustentabilidade Programa mak responsabiliza atu:
- Elabora no implementa planu estratéjiku atu asegura funsionamentu di’ak ba Departamentu, nune’e tenke estabelese objetivu klaru, metas ho prazu determinadu no tenki hetan aprovasaun husi Diretór DNCQH nian;
- Elabora no implementa planu ho proposta orsamentu internu atu aprezenta no hetan aprovasaun husi Diretór DNCQH nian;
- Kria no mantén atualizadu baze dadus ho programa sira husi MDRHC nian;
- Jere programa habitasaun existente sira, inklui iha aspetu sosial no komersiál, hodi analiza sira nia sustentabilidade no kontinuidade iha futuru;
- Akompaña implementasaun programa sira;
- Koordena ho entidade públiku no privadu atu kria programa foun;
- Kria mekanizmu komunikasaun ho departamentu governu relevante sira atu evita duplikasaun atividade no konkorda ho esforsu sira liu-liu iha konkretizasaun objetivu sira ne’e;
- Kria mekanizmu komunikasaun ho servisu sentrál, munisipál, organizasaun komunitária lokál no parseiru dezenvolvimentu, atu fasilita implementasaun kompeténsia Departamentu nian;
- Dezenvolve proposta ba kuadru pessoal ba Departamentu, asegura identifikasaun ba funsaun espesífiku husi funsionáriu sira iha Departamentu nia laran, hodi kumpri no respeitu ba planu orsamentu internu;
- Dezenvolve dokumentu sira ne’ebé nesesáriu, iha área jestaun administrasaun públika, atu garante funsionamentu regular no efetivu ba Departamentu;
- Ezerse tarefa sira seluk ne’ebé atribui liu husi lei, regulamentu ka determinasaun superior nian.
Departamentu Analiza Sustentabilidade Programa nian lidera husi Xefe Departamentu ida, ne’ebé nomeia tuir termu ba rejime legal kargu diresaun no xefia administrasaun públika nian.
*RESOURSE: Diploma Ministerial N.º 18 /2024 de 28 de Fevereiro Artigu 18.o Departamentu Analiza Sustentabilidade Programa