Diresaun Nasionál Polítika Dezenvolvimentu Rural Integradu, abreviadamente dezignadu ho DNPDRI, servisu ida husi DGDR nian ne’ebé iha responsabilidade:

  1. Propoin polítika no estratéjia ba dezenvolvimentu rural integradu;
  2. Halo planu, halo dezeñu no propoin polítika ba dezenvolvimentu rural integradu;
  3. Nulo/laiha
  4. Dezenvolve no garante ezekusaun planu atividade anuál bazeia ba polítika no estratéjia ne’ebé hatudu iha leten;
  5. Asegura koordenasaun jerál ba servisu sentrál sira ne’ebé iha relasaun ba asaun ba dezenvolvimentu rural integradu;
  6. Partisipa iha formulasaun medida polítika orsamental ba área intervenção hirak ne’ebé relevante;
  7. Propoin enkuadramentu regulador ba setór dezenvolvimentu rural, ho koordenasaun hamutuk ho departamentu governu ne’ebé responsável ba apoiu organizasaun komunitária lokal;
  8. Promove no dezenvolve estudu no peskiza iha área dezenvolvimentu rural integradu;
  9. Estimula dezenvolvimentu rural integradu, asosiasaun no kooperativismu iha area rural, ho koordenasaun hamutuk ho Sekretáriu Estadu ba Kooperativa;
  10. Promove uzu rasionál no sustentável ba rekursu naturál, iha estrutura kontrolu ekojíjika, biodiversidade no defenza ba norma ambientál ne’ebé defini husi estrutura kompetente, ho koordenasaun hamutuk ho departamentu governu ne’ebé responsável ba área ambientál;
  11. Promove, koordena no ezekuta asaun apoiu ba dezenvolvimentu komunidade no ekonomia rural, ho koordenasaun hamutuk ho entidade sira seluk ne’ebé kompetente;
  12. Garante implementasaun Programa Movimentu Hafoun Aldeia, iha koordenasaun hamutuk ho servisu kompetente husi departamentu governu nian ne’ebé relevante;
  13. Ezerse tan tarefa sira seluk ne’ebé atribui hosi liu husi lejizlasaun, regulamentu ka determinasaun superior nian.

DNPDRI lidera hosi Diretor nasionál, subordinadu hierárkikamente ba Diresaun Jerál Dezenvolvimentu Rural, ne’ebé nomeia tuir termu rejime legal ba kargu diresaun no xefia Administrasaun Públika nian.

 

*RESOURCE: DECRETO-LEI N.º 67/2023 de 14 de Setembro Artigu 11 Diretór Nasionál Polítika Dezenvolvimentu Rural Integradu