Departamentu Promosaun no Inovasaun nudar servisu husi DNIPC ne’ebé responsável ba dezenvolvimentu medidas inovasaun iha área hotu-hotu dezenvolvimentu rural nian.
Kompetensia ba Departamentu Promosaun no Inovasaun atu:
- Elabora no implementa planu estratéjiku ba funsionamentu di’ak Departamentu nian, ne’ebé tenke estabelese objetivu klaru, metas ho prazu definidu no tenke aprova husi Diretór DNIPF;
- Elabora no implementa planu ho proposta orsamentu internu atu aprezenta no aprova husi Diretór DNIPF;
- Dezenvolve, propoin no garante implementasaun estratéjia ba dezenvolvimentu inovasaun iha área hotu dezenvolvimentu rural nian;
- Assegura realizasaun atividade sira ne’ebé presiza atu implementa inklui ezekusaun planu atividade anuál ne’ebé direta ba inovasaun no promosaun ba dezenvolvimentu rural integradu;
- Estuda solusaun inovativu, ne’ebé fasil ho aplikasaun, ho rezultadu di’ak no fasil aplika iha área sira dezenvolvimentu rural nian;
- Estimula, ho partisipasaun komunitária, surjimentu no dezenvolvimentu espíritu empreendedorismu iha meiu ka ámbitu rural nian, espesiálmente unidade ki’ik sira ne’ebé prodús rendimentu, hodi garante sustentabilidade esplorasaun rekursu naturais ne’ebé dispónível;
- Kria mekanizmu komunikasaun ho servisu sentrál, munisípiu, organisasaun komunitária lokál no parseiru dezenvolvimentu, hodi implementa medida inovasaun;
- Dezenvolve proposta kona-ba kuadru pessoal Departamentu nian, asegura identifikasaun funsaun espesífiku hosi funsionáriu iha Departamentu ne’e nia laran, hodi kumpri no respeitu ba planu orsamentu internu nian;
- Elabora dokumentu sira ne’ebé presiza, iha âmbitu jestaun administrasaun públika, atu asegura funsionamentu regulár no efetivu Departamentu nian; Exerse servisu seluk ne’ebé atribuídu husi lei, regulamentu ka desizaun superior nian.
Departamentu Promosaun no Inovasaun lidera husi Xefi Departamentu ida, nomeadu tuir termus rejime jurídiku ba kargu diresaun no xefia administrasaun públika nian.
*RESOURCE: Diploma Ministerial N.º 18 /2024 de 28 de Fevereiro Artigu 9.º Departamentu Promosaun no Inovasaun