Departamentu Planeamentu Infraestruturas Rurais mak servisu DNIR ne’ebé responsável ba análize no planeamentu proposta infraestrutura rurais nian.

Kabe ba Departamentu Planeamentu Infraestruturas Rurais atu:

1. Elabora no implementa planu estratéjiku atu garantia funsionamentu di’ak ba Departamentu, nune’e tenke estabelese objetivu klaru, metas ho prazu ne’ebé definidu no tenke aprova husi Diretor DNIR;
2. Dezenvolve no implementa planu ho proposta orsamentu internu atu aprezenta no aprova husi Diretor DNIR;
3. Koordena projetu sira ne’ebé atu implementa iha suku, nune’e evita duplikasaun atividade sira;
4. Fornese apoiu tékniku, liu husi servisu munisipál no lokal sira kompetente ho razaun ba atividades sira ne’ebé atu implementa iha suku;
5. Kria mekanizmu komunikasaun ho servisu sentrál, munisipál, organizasaun komunitária lokal, no parseiru sira dezenvolvimentu nian, atu fasilita apoiu tékniku ne’ebé mak atu fornese ba;
6. Supervisiona ho koordenasaun hamutuk ho servisu munisipál no lokal sira kompetente ba atividades sira atu asegura implementasaun di’ak tuir programa nian;
7. Elabora pareser fundamentadu kona-ba kumprimentu kontratu subvensaun ne’ebé hala’o tuir knar ba Programa Dezenvolvimentu Rural;
8. Assegura atu realiza avaliasaun kona-ba nesesidade infrastrutura rural, liuhusi estrada, ponte, fornesimentu bee, saneamentu, eletrifikasaun entre seluk tan, ho koordenasaun hamutuk ho departamentu governu ne’ebé responsável ba obras públika;
9. Prepara dokumentasaun detalhadu projetu nian, espesifikasaun no deseñu engenharia nian, ho kolaborasaun hamutuk ho entidade sira ne’ebé kompetentes;
10. Analiza no emiti pareser kona-ba projetu sira ne’ebé submete ba finansiamentu rural, ho koordenasaun hamutuk ho entidade sira ne’ebé kompetentes;
11. Promove no kolabora ho unidade sira seluk iha Ministériu no komunidade lokal sira iha identifikasaun, avaliasaun no implementasaun programa dezenvolvimentu infraestrutura rural nian;
12. Elabora proposta kuadru pessoal Departamentu nian, asegura identifikasaun funsaun espesífiku funsionáriu sira ne’ebé iha Departamentu nia laran, hodi kumpri no respeitu ba planu orsamentál internu nian;
13. m) Elabora dokumentu sira ne’ebé nesesáriu, iha âmbitu jestaun administrasaun públika, atu asegura funsionamentu regular no efetivu Departamentu nian;
14. n) Hala’o tarefa sira seluk ne’ebé atribuídu liu husi lei, regulamentu, ka determinasaun superior nian.

Departamentu Planeamentu Infraestrutura Rural nian lídera husi Xefi Departamentu ida, nomeadu tuir termu réjime jurídiku kargu diresaun no xefia Administrasaun Públika nian.

*RESOURCE:  Diploma Ministerial N.º 18 /2024 de 28 de Fevereiro Artigu 8.o Departamentu Planeamentu Infraestruturas Rurais