Departamentu Jestaun Rekursu Umanu mak servisu DNARH nian ne’ebé responsável ba jestaun administrativa no rekursu umanu hotu iha servisu MDRHC nian.
Kompetensia ba Departamentu Jestaun Rekursu Umanu atu:
- Dezenvolve, annualmente, planu rekursu umanu MDRHC nian, ho konsidera nesesidade idintifikadu liu husi planu jeral atividade MDRHC nian;
- Garante organizasaun, instrusaun no prosesu relasiona ho rekrutamentu no jestaun rekursu umanu MDRHC nian, sem prejuizu ka halo distinsaun ba atribuisaun Komisaun Funsionáriu Públiku nian;
- Estabelese regras no prosedimentu uniforme ba rejistu no aprovasaun substituisaun, transferénsia, falta, lisensa, subvensaun no suplementu remunerasaun rekursu umanu Ministériu nian;
- Koordena no jere avaliasaun anuál desempeñu rekursu umanu Ministériu nian;
- Dezenvolve informasaun estatístika kona-ba rekursu umanu Ministériu nian;
- Apoia dezenvolvimentu estratéjia sira ne’ebé ho objetivu ba integrasaun perspetiva jéneru iha Ministériu;
- Koordena elaborasaun proposta mapa pessoal Ministériu nian, ho elaborasaun hamutuk ho órgaun sira seluk no servisu Ministériu nian;
- Atualiza lista dadus individual funsionáriu MDRHC nian;
- Organiza no jestaun rejistu individual funsionáriu, tuir sistema jestaun pessoal Komisaun Funsaun Públiku nian;
- Jere no monitoriza rejistu no kontrolu asiduidade funsionáriu sira ho koordenasaun hamutuk ho Diresaun Nasionál MDRHC nian;
- Organiza prosedimentu sira relasiona ho preparasaun konkursu públiku no konkursu internu;
- Akompaña dezenvolvimentu karreira funsionáriu permanente sira no traballador sira seluk MDRHC nian;
- Garante kumpri direitu no obrigasaun funsionáriu sira no traballador sira seluk MDRHC nian.
- Halo kontratasaun, tuir réjime kontratu servisu termu nian, ba ema tempórariu MDRHC nian konforme aprovasaun husi Ministru.
- Elabora proposta ba kuadru pessoal ba Departamentu nian, asegura identifikasaun husi funsaun espesífiku husi funsionáriu sira ne’ebé iha Departamentu nia laran, hodi kumpri no respeitu ba planu orsamentál internu;
- Elabora dokumentu sira ne’ebé nesesáriu, iha ámbitu jestaun administrasaun públika, atu garante funsionamentu regular no efetivu husi Departamentu;
- Ezerse tarefa seluk sira ne’ebé atribuidu husi lei, regulamentu ka determinasaun superior nian.
Departamentu Jestau Rekursu Umanus dirije husi Xefe Departamentu ida, ne’ebé nomeadu tuir termus regulamentu jurídiku kona-ba kargu diresaun no xefia husi Administrasaun Públika nian.
*RESOURCE: Diploma Ministerial N.º 18 /2024 de 28 de Fevereiro Artigu 22.º Departamentu Jestun Rekursu Umanu