Departamentu Planeamentu Habitasaun mak servisu DNDHC responsável ba planeamentu dezenvolvimentu Habitasaun iha teritóriu nasionál.
Kompeténsia Departamentu Planeamentu Habitasaun mak atu:
- Elabora no implementa planu estratéjiku atu Departamentu funsiona ho di’ak, nune’e tenki estabelese objetivu klaru, metas ho prazu definidu no tenki hetan aprovasaun husi Diretór DNDHC;
- Elabora no implementa planu ho proposta orsamentu internu atu aprezenta no hetan aprovasaun husi Diretór DNDHC;
- Elabora planeamentu kona-ba nesesidade sira iha relasaun ho habitasaun iha teritóriu nasionál;
- Elabora planu ho estratéjia dezenvolvimentu habitasaun, konforme ho nesesidade sira, se sosiál ka komersiál;
- Elabora programas atu fó apoiu finanseiru, liu-liu, fó kréditu ba família sira ne’ebé bele garantia sira-nia sustentabilidade;
- Elabora programas habitasaun sosial;
- Kria mekanizmu komunikasaun ho servisu sentrál, munisípiu, organizasaun komunitária lokal no parseiru dezenvolvimentu, hodi fasilita deseñu planeamentu programa nian.
- Planeia polítika no estratéjia ba dezenvolvimentu habitasaun komunitária nian ho koordenasaun hamutuk ho servisu sentrál, munisipál no parseiru dezenvolvimentu relevante ba asuntu ne’e;
- Elabora proposta ba kuadru pessoal Departamentu nian, asegura identifikasaun funsaun espesífiku ba funsionáriu sira iha Departamentu refere, hodi kumpri no respeitu ba planu orsamentu internu;
- Elabora dokumentus ne’ebé presiza, iha ámbitu jestaun administrasaun públika, atu asegura funsionamentu regular no efetivu ba Departamentu refere;
- Ezerse tarefa seluk sira ne’ebé atribuí liu husi lei, regulamentu, ka determinasaun superior nian.
Departamentu Planeamentu Habitasuan lidera husi Xefe Departamentu ida, ne’ebé nomeadu tuir termu réjimu jurídiku ba kargu diresaun no xefia Administrasaun Públika nian.
*RESOURSE: Diploma Ministerial N.º 18 /2024 de 28 de Fevereiro Artigu 15.º Departamentu Planeamentu Habitasaun