Departamentu Estudu Habitasaun Komunitária mak servisu DNPHC responsável ba estudu kona-ba Habitasaun Komunitária.
Kompeténsia Departamentu Estudu Habitasaun Komunitária mak atu:
- Elabora no implementa planu estratéjiku atu Departamentu funsiona ho di’ak, nune’e tenki estabelese objetivu klaru, metas ho prazu definidu no tenki hetan aprovasaun husi Diretór DNPHC;
- Elabora no implementa planu ho proposta orsamentu internu atu aprezenta no hetan aprovasaun husi Diretór DNPHC;
- Dezenvolve estudu no peskiza kona-ba habitasaun komunitária atu dezenvolve estratéjia ba habitasaun iha teritóriu nasionál tomak;
- Realiza planu estudu tekniku kona-ba habitasaun no análize projetu enjenharía detalladu ho kolaborasaun hamutuk ho departamentu governu ne’ebé responsável ba área obras públika;
- Dezenvolve estudu komparativu no apropriadu ba realidade Timor-Leste atu elabora Polítika Nasional Habitasaun foun;
- Rekolla dadus no informasaun kona-ba estadu konservasaun habitasaun.
- Kria mekanizmu komunikasaun ho servisu sentrál, munisípiu, organizasaun komunitária lokal no parseiru dezenvolvimentu, hodi implementa asaun sira relasiona ho peskiza dadus kona ba habitasaun nian;
- Elabora proposta ba kuadru pessoal Departamentu nian, asegura identifikasaun funsaun espesífiku ba funsionáriu sira iha Departamentu refere, hodi kumpri no respeitu ba planu orsamentu internu;
- Elabora dokumentus ne’ebé presiza, iha ámbitu jestaun administrasaun públika, atu asegura funsionamentu regular no efetivu ba Departamentu;
- Ezerse tarefa seluk sira ne’ebé atribui liu husi lei, regulamentu, ka determinasaun superior nian.
Departamentu Estudu Habitasaun Komunitária lidera husi Xefe Departamentu ida, ne’ebé nomeadu tuir termu rejime jurídiku kargu diresaun no xefia Administrasaun Públika nian.
*RESOURSE: Diploma Ministerial N.º 18 /2024 de 28 de Fevereiro Artigu 14.o Departamentu Estudu Habitasaun Komunitária