Unidade Servisu Inspesaun no Fiskálizasaun, abreviadamente hanaran USIF, mak servisu Gabinete Inspesaun nian ne’ebé responsável ba apoiu ba funsionamentu inspetór Gabinete Inspesaun iha domíniu inspesaun nian.
Kompeténsia ba USIF atu:
- Akompaña funsionamentu servisu sentrál sira, propoin medidas korretiva atu adota;
- Fiskáliza legalidade, regularidade no kualidade funsionamentu servisu sentrál MDRHC nian.
- Realiza inspesaun, averiguasaun, inkéritus, no disiplina ho natureza administrativa, no f inanseira ba servisu sentrál Ministériu nian, bainhira sem prejuizu ka la afeta ba kompeténsia Komisaun Funsaun Públika nian;
- Rekolla informasaun kona-ba funsionamentu servisu, propoin medidas korretiva ne’ebé razoavel;
- Verifika apropriasaun no efikásia kontrolu internu sira MDRHC nian;
- Verifika integridade no konfiabilidade informasaun no rejistu internu servisu MDRHC nian
- Propoin medidas sira kona-ba organizasaun no funsionamentu órgaun no servisu MDRHC nian, ho objetivu atu simplifika prosesu, sirkuitu no komunikasaun;
- Realiza tarefa seluk ne’ebé atribuídu husi lei, regulamentu, ka determinasaun superior nian.
Unidade Servisu Inspesaun no Fiskálizasaun dirije husi Subinspetór ida, ho ekiparasaun ba efeitu legais hanesan ho diretor nasionál no depende iha hierarkia no funsionalmente husi Inspetór Gabinete Inspesaun nian.
*RESOURSE: Diploma Ministerial N.º 18 /2024 de 28 de Fevereiro Artigu 36.º Unidade Servisu Inspesaun no Fiskálizasaun