Diresaun Nasionál Infraestrutura Rural, abreviadamente ho DNIR, mak servisu husi DGDR nian ne’ebé iha tarefa atu:
- Dezenvolve, propoin, no garante implementasaun polítika no estratéjia ba dezenvolvimentu infraestrutura rural, ho koordenasaun hamutuk ho entidade sira seluk ne’ebé kompetente;
- Dezenvolve no garante ezekusaun planu atividade anuál no plurianual ba dezenvolvimentu no hadia infraestrutura rural, ho koordenasaun hamutuk ho komunidade lokal sira no ho entidade sira seluk ne’ebé kompetente;
- Estuda proposta projetu ne’ebé apresenta husi aldeia sira ba finansiamentu Programa Movimentu Hafoun Aldeia no emiti parser ka opiniaun kona-ba viabilidade no komplementaridade relasiona ho programa governu sira seluk;
- Koordena projetu sira ne’ebé sei implementa husi aldeia sira, atu evita duplikasaun atividade;
- Fornese apoiu tékniku, liu husi servisu Munisípiu no lokál ne’ebé kompetente iha atividade ne’ebé sei implementa iha aldeia;
- Supervisiona, ho koordenasaun hamutuk ho servisu Munisípiu no lokál ne’ebé kompetente iha atividade ne’ebé sei implementa, ba ezekusaun programa ne’ebé di’ak;
- Formula no apresenta ba membru Governu ne’ebé responsável ba dezenvolvimentu rural parser ka opiniaun fundamentadu kona-ba kumprimentu kontratu subvensaun ne’ebé asinadu iha enquadramentu Programa Movimentu Hafoun Aldeia;
- Partisipa iha negosiasaun ba asinatura akordu entre Ministériu Dezenvolvimentu Rural no Habitasuan Komunitária ho instituisaun sira públiku no privadu seluk, asegura implementasaun no monitorizasaun;
- Propoin, ho koordenasaun hamutuk ho servisu sira seluk, ba asaun prioritáriu sira ne’ebé ho impaktu boot ba zona rural;
- Asegura hodi realiza avaliasaun kompletu kona-ba nesesidade infraestrutura rural, hanesan estrada, ponte, forneseamentu bee, saneamentu, eletrifikasaun entre seluk tan, liu hosi koordenasaun ho departamentu governu ne’ebé responsável ba obras públika;
- Prepara dokumentasaun detalhadu ba projetu, espesifikasaun no dezeñu engenharia, ho kolaborasaun hamutuk ho entidade sira ne’ebé kompetente;
- Koopera ho entidade públiku ka privadu, iha ámbitu sistema protesaun ba komunidade rural sira ne’ebé afetadu husi kalamidade ka dizastre;
- Analiza no emiti pareser ka opiniaun kona-ba projetu sira ne’ebé submete ba finansiamentu rural, ho koordenasaun hamutuk ho entidade sira seluk ne’ebé kompetente;
- Promove no koopera ho unidade sira seluk husi Ministériu no ho komunidade lokal sira iha identifikasaun, avaliasaun, no implementasaun programa dezenvolvimentu infraestrutura rural.
- Exerse tarefa seluk ne’ebé atribuídu ona liu husi lei, regulamentu ka determinasaun superior nian.
Diresaun Nasionál Infraestrutura Rural dirije husi diretor nasionál, ne’ebé subordinadu iha hierarkia baDiresaunJeral Dezenvolvimentu Rural nian, nomeadu tuir termus regulamentu ka rejime kargu sira ba diresaun no xefia iha Administrasaun Públika
*RESOURCE: DECRETO-LEI N.º 67/2023 de 14 de Setembro Artigo 5.o Departamentu Estudu Peskiza