Diresaun Nasionál Inovasaun, Promosaun no Kapasitasaun, ho abreviatura DNIPC, nia servisu husi DGDR ne’ebé responsabiliza atu:
- Dezenvolve, propoin no garante implementasaun politika no estratéjia inovasaun iha área sira hotu kona-ba dezenvolvimentu rural;
- Dezenvolve no garante implementasaun planu atividade anuál ne’ebé fo prioridade ba inovasaun, promosaun no kapasitasaun ba dezenvolvimentu rural integradu;
- Propoin politika no estratéjia ne’ebé estimula partisipasaun komunitária iha formulasaun, implementasaun no avaliasaun inisiativa lokál dezenvolvimentu, ho koordenasaun hamutuk ho entidade sira seluk ne’ebé kompetente;
- Estimula surjimentu no dezenvolvimentu emprendedorizmu iha area rural, espesiálmente unidade ki’ik hodi hamosu rendimentu, hodi garante uzu sustentável rekursu naturál ne’ebé dispoñível.
- Promove, dinamiza atividade marketing, komunikasaun kona-ba dezenvolvimentu rural integradu sustentável;
- Propoin métodu no teknika avansada inovasaun no ekplorasaun kreatividade individuál no grupu nian;
- Propoin métodu no teknika avansada inovasaun no ekplorasaun kreatividade individuál no grupu nian;
- Fó informasaun bázika kona-ba prátika pensamentu kreativu/kolaborativu no inovasaun;
- Enkuadra dezenvolvimentu sosial, umanu no teknolójiku atual, inklui oportunidade sira ne’ebé providensia husi teknolojia informasaun no rede;
- Promove inisiativa sira hodi haboot asesu ba merkadu hanesan estimula produsaun iha area rural, inklui kolaborasaun ho organizasaun sira ne’ebé nia misaun kria ambiente institusionál no legal ne’ebé favorável ba dezenvolvimentu ekonomia no komérsiu iha area rural, ho koordenasaun hamutuk ho departamentu governamental ne’ebé responsável ba área komérsiu.
- Asigura promosaun ba kualidade no sertifikasaun ba produtu sira ne’ebé orijinariu ka mai husi area/meiu rural, hamutuk ho departamentu governu responsável ba agrikultura;
- Estimula auto-empregu no espíritu empresarial hamutuk ho parseiru setór produtivu, akademia no atór sira seluk, nomos ho departamentu governu responsável ba empregu;
- Dezenvolve atividade formasaun no kapasitasaun ba preparasaun no realizasaun ba reuniaun servisu ho komunidade lokal sira, hamutuk ho departamentu governu responsável ne’ebé apoia organizasaun komunitária lokal;
- Avalia proposta projetu sira ne’ebé apresenta husi suku sira atu hetan finansamentu husi Programa Movimentu Hafoun Suku no hato’o pareser ka opiniaun kona-ba sira nia viabilidade no komplementaridade ho programa governu seluk;
- Koordena projetu sira atu exezuta husi suku sira atu evita duplikasaun servisu, hamutuk ho departamentu governu responsável ne’ebé apoia organizasaun komunitária lokal;
- Oferese apoiu tékniku, liuhusi servisu munisípiu no lokal sira kompetente, ba implementasaun atividade sira iha suku;
- Supervisiona, liuhusi servisu munisípiu no lokal sira kompetente, ba implementasaun programa ne’ebé di’ak, hamutuk ho departamentu governu responsável ba apoia organizasaun komunitária lokal;
- Formula no hato’o ba Ministru pareser ka opiniaun bazeia ba kumprimentu kontratu subvensaun públiku ne’ebé asina iha ámbitu Programa Movimentu Hafoun Suku;
- Partisipa iha negosiasaun atu asina akordu entre MDRHC no instituisaun sira públiku no privadu seluk, no garante nia implementasaun no monitorizasaun;
- Propoin, hamutuk ho servisu sira seluk, asaun sira ne’ebé sai priorioritáriu no ho impaktu ba área rural sira;
- Halao kualker tarefa seluk ne’ebé atribuídu husi lei, regulamentu ka determinasaun superiór.
DNIRP dirije no koordena husi Diretor nasionál ida, subordinadu ba Diretor Jerál Dezenvolvimentu Rural, ne’ebé nomenadu bazeia ba rejime jurídiku kargu direção no xefia iha Administrasaun Públika.
*RESOURCE: DECRETO-LEI N.º 67/2023 de 14 de Setembro Artigu 13.º Diretór Nasionál Inovasaun, Promosaun no Kapasitasaun