Departamentu Kontratasaun Públika mak servisu husi DNA ne’ebé responsável ba prosedimentu husi aprovisionamentu ba MDRHC.
Kabe ba Departamentu Kontratasaun Públika atu:
- Asegura implementasaun husi aktus material ne’ebé nesesáriu ba prosesamentu prosedimentu administrativu husi aprovisionamentu ba MDRHC tuir lei no orientasaun superiór;
- Dezenvolve planu aprovisionamentu ba Ministériu no asegura katak planu ne’e bele mantein aktualizadu durante tinan finanseiru;
- Halo revizaun espesifikasaun téknika ba prosedimentu aprovisionamentu nian;
- Prepara dokumentasaun ne’ebé relasionadu ho prosedimentu aprovisionamentu, tuir kalendarizaun ne’ebé define ona;
- Garante publisidade husi prosedimentu aprovisionamentu nian;
- Prepara konferénsia préviu ba interesadus sira ba konkurso nian;
- Simu proposta sira no dokumentu sira ne’ebé relasionadu ho aprovisionamentu;
- Elabora proposta ba kuadru pessoal Departamentu nian, asegura identifikasaun husi funsaun espesífiku husi funsionáriu sira ne’ebé iha Departamentu nia laran, hodi kumpri no respeitu ba planu orsamentál internu.
- Dezenvolve dokumentus ne’ebé presiza iha ambitu administrasaun públika atu asegura funsionamentu regular no efetivu husi Departamentu;
- Realiza tarefa sira seluk ne’ebé atribuídu liu husi lei, regulamentu ka determinasaun superior nian.
Departamentu ba Kontratasaun Públika lidera husi Xefe Departamentu ida, ne’ebé nomeadu tuir termus rejime legal ba kargu diresaun no xefia Administrasaun Públika nian.
*RESOURCE: Diploma Ministerial N.º 18 /2024 de 28 de Fevereiro Artigu 23. Departamentu Kontratasaun Públika