𝐕𝐢𝐬𝐞-𝐏𝐫𝐢𝐦𝐞𝐢𝐫𝐮 𝐌𝐢𝐧𝐢𝐬𝐭𝐫𝐮 𝐋𝐚𝐧𝐬𝐚 𝐑𝐞𝐥𝐚𝐭𝐨𝐫𝐢𝐮 𝐈𝐏𝐂

𝐃𝐢𝐥𝐢,𝟏𝟐/𝟎𝟒/𝟐𝟎𝟐𝟒: Vice-Primeiro Ministro, Ministro Cordenador dos Assuntos Sociais, Ministro do Desenvolvimento Rural e Habitação Comunitária Eng. Mariano ASSANAMI Sabino. Nudar mós Prezidente Konsellu Nasional Seguransa Alimentar no Nutrisional Timor-Leste (KONSANTL), lansa relatoriu Analize kona-ba Inseguransa Ai-han Agudu (IPC), iha Auditoriu Xanana Gusmão, Ministeriu Finansas, Ai-tarak laran.

Saida mak IPC no Inseguransa Ai-han Agudu IPC? IPC ne’e konjuntu ida husi ferramentus no prosedimentus atu klasifika gravidade no karakteristika husi krize nutrisaun no ai-han agudu nomos inseguransa ai-han króniku bazeia-ba padraun internasionál sira.

IPC konsiste husi funsaun reforsa mutualmente haat, ida ho protokolu konjuntu espésifiku sira (ferramentus no prosedimentus). Parametru pinsipál IPC sira inklui konstrusaun konsensu, konverjénsia kona-ba evidensia, responsabilizasaun, transparénsia no komparabilidade.

Objetivu husi análize IPC hodi informa resposta emerjénsia nomos programa no polítika seguransa ai-han tempu médiu no tempu naruk.

Ba IPC, Inseguransa Ai-han Agudu definidu nu’udar manifestasaun ruma kona-ba inseguransa ai-han hetan iha área espesifikadu no iha tempu espesifiku ida kona-ba gravidade ne’ebé ameasa vida ka manán moris, ka rua ne’e hotu, saida de’it nia kauza, kontestu ka durasaun. Ida ne’e suseptível atu muda no bele akontese no manifesta iha populasaun ho tempu badak, nu’udar rezultadu husi mudansa derepente ka xoke sira ne’ebé negativamente impaktu ba determinante sira husi inseguransa ai-han.

Dadaun ne’e, Timor-Leste hasoru hela situasaun seguransa ai-han pior-liu ne’ebé demanda asaun no atensaun urjente. Iha períodu atuál husi análize (Novembru 2023 – Abril 2024), korresponde hela ba époka menus produsaun nomós janela ho impaktu aas husi El Niño, 27% husi totál populasaun (maizumenus na’in 360,000) estimadu hasoru nivel aas husi inseguransa ai-han agudu (IPC Faze 3 ka superiór), ne’ebé inklui 1% (ema besik 19,000) mak klasifikadu iha IPC Faze 4 (Emerjénsia), no 26% (ema besik 342,000) iha IPC Faze 3 (Krize). Presiza asaun urjente atu proteje meiu-subsisténsia, redús lakuna konsumu ai-han nian, no minimiza estratéjias solusaun meiusubsisténsia no bazeia-ba ai-han ba 27% husi populasaun iha IPC Faze 3 no superiór. Fatór prinsipál sira husi inseguransa ai-han agudu mak kondisaun bailoro-naruk kauza husi El Niño, rai-halai no inundasaun kauza husi udan-boot, no inasesibilidade ai-han aumenta pobreza no presu ai-han sa’e nafatin.

Iha intervista Vise Primeiru Ministru hatete, KONSSAN-TL ne’e servisu interministerial no ohin hala’o primeira reuniaun nasional no sei hala’o mos reuniaun nivel munisipa atu nune’e bele sinroniza, hamoniza planu sira ne’ebé la’o iha kraik atu nune’e bele hases an husi problema mal-nutrisaun, inseguransa ai-han no problema kiak ne’ebé ejiste.

Iha KONSANTL iha mos ekipa taskforce ne’ebé involve husi Ajensia internasional sira atu bele koordena diak liutan hodi hases povu husi problema sira ne’e.

“Ita atu hases an husi problema hirak ne’e mak presiza tulun inan aman sira nian halo produsaun makas atu ita bele seguru iha hahan, no oinsa garantia distribuisaun hahan atu ema hotu tenke asesu, mais diak liu Kuida saida mak ita han, no han saida mak ita kuda, ne’ebé ita hakarak han saida entaun ita tenke kuda,” dehan VPM

Governu dadaun ne’e esforsu hela oinsa garantia soberania ai-han, maske osan ne’ebé aloka seidauk naton, maibé sei nafatin halo kooperasaun ho ajensia sira apoiu malu nune’e bele hases Timor-Leste husi problema sira ne’e iha faturu.

Análize ida-ne’e hala’o ona iha patrosíniu Ministéiru Agrikultura, Pekuaria, Peskas no Floresta (MAPPF) no Institutu Naisional Estatistika Timor-Leste (INETL). Nia benefisia husi apoiu tékniku no finánsa WFP no FAO, nomos fundu konjuntu SDG. Klasifikasaun husi malnutrisaun no inseguransa ai-han uzandu protokolu IPC, ida ne’ebé dezenvolvidu no implementadu mundialmente husi Parseiru Global IPC – Asaun hasoru Hamlaha, CARE, CILSS, EC-JRC, FAO, FEWS NET, Grupu Seguransa Ai-han Global, Grupu Nutrisaun Global, IFPRI, IGAD, Oxfam, SADC, Salva Labarik.

𝐌𝐞𝐝𝐢𝐚 𝐕𝐏𝐌-𝐌𝐂𝐀𝐒-𝐌𝐃𝐑𝐇𝐂