𝐌𝐢𝐧𝐢𝐬𝐭𝐫𝐮 𝐌𝐃𝐑𝐇𝐂 𝐋𝐚𝐧𝐬𝐚 𝐄𝐬𝐤𝐞𝐦𝐚 𝐈𝐦𝐩𝐥𝐞𝐦𝐞𝐧𝐭𝐚𝐬𝐚𝐮𝐧 𝐀𝐭𝐢𝐯𝐢𝐝𝐚𝐝𝐞 𝐈𝐧𝐭𝐞𝐠𝐫𝐚𝐝𝐮 𝐢𝐡𝐚 𝐊𝐚𝐢𝐭𝐞𝐡𝐮

Likisa,08/12/2024: Ministro do Desenvolvimento Rural e Habitação Comunitária, Eng. Mariano ASSANAMI Sabino, ofisialmente lansa atividade Eskema Implementasaun ba Atividade Integradu iha Suku Mota-Ulun, Aldeia Mota-Ikun (Kaitehu), Likisa.

Atividade ne’ebe hala’o iha fatin refere mak hanesan, hakiak ikan, kafetaria, kampu desportu, divertimentu, atividade hakail ikan no Turizmu Komunitaria.

Atividade ne’ebe hala’o iha ne’e integradu, tanba ne’e bainhira konstrusaun ne’e remata mak posivil haree orsamentu sei konstrui tan Penginapang ne’ebe ho modelu uma tradisional suku ne’e nian, no sei halo salaun multi funsaun atu ema bele utiliza ba atividade hanesan, seminariu, festa no sora seluk tan.

Ba obra ne’e Governu liu husi Ministeriu Dezenvolvimentu Rural no Habitasaun Komunitaria mak apoiu orsamentu rihun $50 ba komunidade halo atividade, entaun obra ne’e nia nain populasaun iha aldeia refere sira mak sei jere, rendimentu aban bainrua ne’e ba grupu utiliza ba fali atividade seluk.

“Ita halo atividade iha ne’e alende hamoris sira nia ekonomia aldeia, maibe mos ita ho objetivu ida atu halo mudansa mentalidade sosiedade nian oinsa atu hatene servisu hamutuk iha multi demokrasia, multi organizasaun iha moris lor-loron,” dehan V-PM.

Alende ne’e, Vise-Primeiru Ministru dehan, obra ne’e nain mak imi tenke kuidadu ho didiak, jere ho responsabilidade karik, failla aldeia ne’e sei la asesu tan planu tuir mai.

Maibe ministeriu nafatin iha responsabilidade hodi fo asistensia hanesan formasaun sira oinsa komunidade rasik jere obra ne’e ba oin hodi hetan rendimentu nune’e bele hamoris diak liutan ekonimia aldeia nian.

Partisipa iha lansamentu ne’e, Diretor Jeral Dezenvolvimentu Rural, Filipe Cardoso, Diretor Habitasaun Komunitaria, Diretor Jeral Korporativus, reprejentante SEKOOP, PAM Likisa, autoridade komunitariu, komunidade no sira seluk tan.