Skip to content

Departamentu Finansas mak servisu internu ne’ebé responsável ba implementasaun kompeténsia DNFPL nian relasiona ho implementasaun orsamentál husi MDRHC.

Kabe ba Departamentu Finansas atu:

  1. Implementa norma no prosedimentu ba preparasaun no implementasaun orsamentu, inklui regra sira seluk ba jestaun finanseira;
  2. Asegura implementasaun no kontrolu ba alokasaun orsamentál atribuídu ba MDRHC, sem prejuízu husi meius kontrolu no avaliasaun sira seluk ne’ebé konsidera kompetente;
  3. Verifika legalidade husi gastu sira no prosesa sira nia pagamentu tuir orientasaun superiór;
  4. Prosesa pedidu pagamentu atempadamente ka tuir prazu ne’ebé determina ona;
  5. Verifika legalidade husi rendimentu sira ne’ebé rekolha husi servisu MDRHC no prosesa sira iha livru kontabilidade tuir konformidade ho lei;
  6. Verifika no asegura implementasaun efetiva ba orsamentu MDRHC ho proposta no promosaun asaun sira ne’ebé presiza, inklui transferénsia osan;
  7. Prosesa, insere no sertifika kompromisu ba pagamentu husi alokasaun orsamentál MDRHC iha sistema planeamentu rekursu Governu nian;
  8. Kontrola fluxu finanseiru husi fundu orsamentu jeral Estadu ba MDRHC;
  9. Prosesa no monitoriza pagamentu bens, servisu no obras sira akumuladu liu husi orsamentu MDRHC;
  10. Kolabora ho departamentu governamental responsável ba finansas atu asegura rapidez no legalidade prosesu pagamentu;
  11. Orienta, jere no kontrola fundu maneio ka petty cash MDRHC nian;
  12. Emite relatóriu semanál kona-ba implementasaun kompeténsia departamentu nian;
  13. Elabora relatóriu finanseiru periodiku ne’ebé tenki submete ba entidade sira kompetente.
  14. Dezenvolve proposta ba kuadru pessoal ba Departamentu, garante identifikasaun ba funsaun espesífiku husi funsionáriu sira iha Departamentu nia laran, hodi kumpri no respeitu ba planu orsamentál internu;
  15. Dezenvolve dokumentus ne’ebé presiza, iha enkuadramentu ba jestaun administrasaun públika, atu garante funsionamentu regular no efetivu ba Departamentu;
  16. Efetua tarefa sira seluk ne’ebé atribuídu liu husi lei, regulamentu ka desizaun superior nian.

Departamentu Finansas lidera husi Xefe Departamentu ida ne’ebé nomeadu bazeia ba rejime jurídiku ba kargu sira diresaun no xefia iha Administrasaun Públika nian.

 

*RESOURCE: Diploma Ministerial N.º 18 /2024 de 28 de Fevereiro Artigu 25.º Departamentu Finansas