Gabinete Apoiu Jurídiku, dezignadu no sigla GAJ, mak servisu responsável atu fo asisténsia no konsellu ba Ministru iha asuntu hotu ho natureza jurídiku.
GAJ iha responsabilidade hanesan tuir mai:
- Elabora pareser, responde ba konsulta no elabora estudu kona-ba asuntu sira ho natureza jurídiku;
- Elabora, bainhira hetan pedidu atu dezenvolve projetu lei iha área rural no habitasaun komunitária nian;
- Emite pareser no asiste prosesu disiplinár, investigasaun, inquéritu no averiguasaun, bainhira determina husi Ministru, bainhira la prejúdika ba kompeténsia Komisaun Funsaun Públika no Inspeksaun-Jerál Estadu;
- Verifika legalidade kontratu sira ne’ebé sei asina husi Ministériu, iha kolaborasaun ho servisu relevante sira;
- Garante apoiu jurídiku iha prosesu desizaun no formulasaun polítika setór sira, hodi garante legalidade iha prosesu refere;
- Kria no halo jestaun ba arkivu lei no regulamentu relevante ba área rural, habitasaun komunitária no área sira ne’ebé mak ligadus.
- Realiza tarefa seluk ne’ebé atribuídu husi lei, regulamentu ka determinasaun superior nian.
Gabinete Apoiu Jurídiku dirije husi xefi ida, ho ekiparasaun ba efeitu legais hanesan ho diretor nasionál, ne’ebé nomeadu tuir termus réjime jurídiku ba kargu diresaun no xefia iha Administrasaun Públika no depende tuir hierarkia no funsionalmente ba Ministru.
*RESOURCE: DECRETO-LEI N.º 67/2023 de 14 de Setembro Artigu 25.o Gabinete Apoio Jurídiku