DILI, 15 Novembru 2024 -Parlamentu Nasional (PN) aprova proposta Orsamentu Jerál Estadu (OJE) 2025 hamutuk $ 13,000,721 ba Ministériu Dezenvolvimentu Rurál no Abitasaun Komunitáriu iha faze espesialidade ho votu afavór 40 kontra 20 no abstensaun tolu (3).
Ministériu Dezenvolvimentu Rurál no Abitasaun Komunitáriu $13,000,721 hodi aloka ba saláriu vensimentu $3,197,088, bens no serbisu $1,803,633, transferénsia públika millaun $5, dezenvolvimentu millaun $3. kapitál
Tuir dokumentu livru proposta OJE 2025 Planu Asaun Annual Entidade públiku setór administrativu, ba tinan oin husi proposta orsamentu husi ministériu ne’ e sei finansia programa funsionamentu no dezenvolvimentu instituisionál ho sub-programa tolu no atividade 15.
Programa revitalizasuan komunitária ho sub- programa dezenvolvimentu no implementasaun infraestrutura sosiál no ekonomiku iha área rurál ho atividade tolu (3), sub-programa asegura kuadru legál no regulamenta permite inisiativa projetu iha komunidade rurál ho atividade rua (2), sub- programa kria ambiente favorável ba investimentu iha área rurál ho atividade haat (4).
Programa implementasaun abitasaun komunitária digna ho sub-programa infraestrutura bázika no abitasaun ho atividade 11, sub-programa armoniza kuadru legál hotu iha ámbitu polítika abitasaun ho atividade lima (5).
