tes
ATAURU, 07/11/2025: Ministerio Desenvolvimento Rural e Habitação Comunitaria (Sigla MDRHC) liuhusi Direção Geral Desenvolvimento Rural (DGDR) ne’ebe lidera husi Sr. Filipe Cardoso Vieira hala’o enkontru ho grupu hodi enkoraza no fo Apresiasaun ba membru grupu benifisiariu husi Saemaul Undong Korea (SMU) iha Aldeia Pala Suco Biqueli Autoridade Administrativa Atauro
Enkontru remata DGDR halo vizita ba atividade tolu ne’ebe grupu sira hala’o mak hanesa loke keos, hakiak manu rade no koperativa, akompaña husi Cefe Suco Biqueli Daniel Martins, Cefe aldeia, kordenador SMU Korea no membru grupu sira
Enkuantu kordenador SMU Korea Sr. Olderico do R. M. da Silva hateten iha tinan 2021 SMU korea apoiu osan ba Aldeia Pala Suco Biqueli ho montante $16000.00 Dolar America hodi hasae rendimentu aldeia nian liuhusi atividade ne’ebe sira halo fo redimentu diak ba komunidade aldeia Pala
“Orsamentu ne’ebe governu korea apoiu mai iha Aldeia Pala ho montante 16.000.00 depois iha aldeia ne’e kria fali grupu ida hamutuk na’in 30 inklui feto 14 mane 16 hodi jere osan refere, konsege grupu sira halo atividade tolu mak hanesa loke keos, koperativa no hakiak manu rade, rendimentu ne’ebe mak sira hetan iha rezultadu ne’ebe diak, agora sira hola ona kareta truck ida semana ida ne’e to’o ona iha Timor obrjetivu atu tula sasan keos nian no fan sasan tama sai suku no aldeia”.