𝐌𝐢𝐧𝐢𝐬𝐭𝐫𝐮 𝐌𝐃𝐑𝐇𝐂 𝐕𝐢𝐳𝐢𝐭𝐚 𝐆𝐫𝐮𝐩𝐮 𝐏𝐞𝐤𝐮𝐚𝐫𝐢𝐚 𝐢𝐡𝐚 𝐒𝐮𝐤𝐮 𝐁𝐨𝐧𝐨𝐦𝐞𝐬𝐞

𝐑𝐀𝐄𝐎𝐀,𝟏𝟎/𝟎𝟏/𝟐𝟎𝟐𝟓: Ministro do Desenvolvimento Rural e Habitação Comunitária Eng. Mariano ASSANAMI Sabino, ho ekipa vizita Grupu Pekuaria ne’ebe halo atividade hanesan hakiak bibi no karau iha Aldeia Bonomese, Suku Naimeko, Postu Administrativu Oesilo, Reziaun Administrativu Oekuse Ambeno.
Grupu sira ne’ebe halo atividade produsaun ne’e finansia husi Sentru Dezenvolvimentu Aldeia Bonomese ne’ebe mai husi transferensia publika husi Ministeriu Dezenvolvimentu Rural no Habitasaun Komunitaria.
Grupu Nomenese sira hahu ona prepara bibi luhan, kuda hahan bibi nian nune’e tuir planu tempu besik sira sei sosa bibi hamutuk 40 hodi sir abele hakiak.
Iha Vizita ne’e Ministru MDRHC, enkoraza grupu produtor sira iha Aldeia Nomenese atu kontinua halo produsaun ho kuantidade ne’ebe barak liutan atu nune’e bele fornese ba merkadu.
Ministru informa, orsamentu ne’ebe apoiu ba grupu produtor sira ne’e la’os apoiu gratuita maibe modellu hanesan kreditu ne’ebe la iha funan, grupu sira bele asesu osan ne’e halo atividade bainhira la’o di’ak ona iha ona rendimentu mak sei selu neneik atu nune’e osan sira ne’e bele fo fila fali ba aldeia seluk iha suku ne’e rasik.
Husu ba grupu benefisiariu sira atu mantein servisu makas, disiplina hodi halo produsaun hodi reforsa ekonomia familia nian iha baze, grupu atual ne’e sei sai save bainhira susesu mak atividade ne’e sei alarga tan ba aldeia seluk.
Vizita traballu Ministru MDRHC nian ne’e hetan akompañamentu husi Prezidente Autoridade RAEOA, Koordenador Jeral ZEDO, Komandante PNTL RAEOA, Xefe Gabinete MDRHC, Diretor Jeral MDRHC, kargu xefia sira no populasaun sira.