Diresaun Jeral ba Dezenvolvimentu Rural, ho abreviadu DGDR, mak servisu sentrál Ministériu nian ba Dezenvolvimentu Rural no Habitasun Komunitária ne’ebé responsável atu asegura orientasaun jeral no koordenasaun integradu ba servisu Ministériu nian ho kompeténsia iha área dezenvolvimentu rural.

Kompeténsia DGDR nian inklui:

1. Elabora no formula medidas polítika no estratéjias ba dezenvolvimentu rural integradu, promove no koordena aksaun sira ne’ebé nesesáriu atu implementa, iha artikulasaun ho entidade sira seluk ne’ebé kompetente;
2. Promove dezenvolvimentu ka elaborasaun planu annual no pluri annual (tinan barak) ba sira nia servisu, inklui Programa Investimentu, Planu Atividade Tinan nian no planu setorial servisu nian;
3. Koordena no harmoniza dezenvolvimentu ka elaborasaun planu atividade tinan nian, bazeia ba polítika no estratéjias ne’ebé estabelese ona;
4. Assegura koordenasaun jeral ba servisu sentrál sira relasiona ho asaun ba dezenvolvimentu rural integradu;
5. Partisipa iha formulasaun medidas polítika orsamentu ba sira nia área intervensaun nian;
6. Promove, koordena no implementa asaun sira atu apoia dezenvolvimentu komunidade no ekonomia rural, iha artikulasaun ho entidade sira seluk ne’ebé kompetente;
7. Koordena, orienta no avalia atividade sira promosaun ba dezenvolvimentu rural nian;
8. Promove no estímula partisipasaun komunitária, ho kolaborasaun hamutuk ho setór sira seluk iha identifikasaun, formulasaun, implementasaun no avaliasaun inisiativa lokál sira ba dezenvolvimentu rural, iha artikulasaun ho entidade sira seluk ne’ebé kompetente;
9. j) Insentiva no istimula dezenvolvimentu emprezariál rural ne’ebé bele aproveita rekursu naturál sira ne’ebé iha area rural ho forma rentável (ho lukru) no sustentável, no estímula implementasaun unidade ki’ik hodi halo rendimentu, bazeia ba Planu Munisípiu sira ne’ebé aplikável; Promove inisiativa sira atu hasae asesu ba merkadu hodi estímula produsaun iha area rural, no kolabora ho organizasaun sira seluk ne’ebé fó importánsia ba kriasaun ambiente institusionál no legal ne’ebé favorável ba dezenvolvimentu ekonomia no komérsiu iha area rural.
10. Partisipa iha promosaun ba kualidade no sertifikasaun ba produtus husi area rural, ho koordenasaun hamutuk ho departamentu governu ne’ebé iha kompeténsia iha área agrikultura;
11. Promove no insentiva polítika finansiamentu rural;
12. Koordena asaun sira no estabelese ligasaun ho setór atividade sira seluk, ho objetivu atu defini no implementa polítika no estratéjia ne’ebé direta ba area rural;
13. Promove no kolabora ho unidade sira seluk iha Ministériu no ho komunidade lokal sira no iha koordenasaun ho entidade kompeténte sira seluk iha identifikasaun, implementasaun, no avaliasaun ba programas orientadu ba: i. Estabelesimentu populasaun iha area rural, aumenta rendimentu no enkoraja formasaun profesional; ii. Promove dezenvolvimentu rural integradu no asosiasaun no kooperativismu iha area rural; iii. Utilizasaun rasionál no sustentável ba rekursus naturais, iha ámbitu kontrolu ba eko-sistéma, biodiversidade no defesa ba normas ambientais ne’ebé estabelesidu husi autoridade kompetente;
14. Dezenvolve instrumentus ne’ebé presiza atu garante implementasaun ba Programa Movimentu Hafoun Aldeia;
15. Ezekuta tarefa seluk ne’ebé atribuídu tuir lei, regulamentu, ka desizaun hosi superiór.