Lautem,08/08/2024: Vice-Primeiro Ministro, Ministro Coodernador dos Assuntos Sociais, Ministro do Desenvolvimento Rural e Habitaรงรฃo Comunitรกria, Eng. Mariano ASSANAMI Sabino, hamutuk ho estrutura Camara Comersiu Industria Timor-Leste (CCI-TL), kolleta haree kuaze hektares 10-resin iha Suku Afabubu, Postu Administrativu Luro, Munisipiu Lautem.
Iha intervista, Vise-Primeiru Ministru apresia no agradese ba CCI-TL ne’ebe hala’o ona atividade agrikula liu-liu kuda hare iha Luro, ne’ebe hatudu rezultadu ne’ebe pozitivu tebes.
“Reprejenta IX Governu Konstitusionรกl hakarak apresia ba CCI-TL ne’ebe halo ona demoplot iha ne’e, Ha’u hanoin tempu ona atu Setor Privadu sira foti porsaun boot iha setor agrikultura, Pekuaria Peskas, no floresta, atu ita bele sai husi programa malnutrisaun ne’ebe tuir dadus ita sai primeiru lugar iha Asean, no terseiru lugar iha mundu,” dehan V-PM.
setor privadu sai hanesan liman ain governu nian, tanba ne’e sei kria kondisaun liu-liu sei ko’alia ho BNCTL atu tau osan barak liutan hodi fasilita kreditu ba agrikultor sira bele asesu hodi halo investimentu iha area produsaun nain hodi bele dezenvolve ekonomia liu husi loke kampu servisu iha baze.
Reprejenta Maun Boot, Kay Rala Xanana Gusmรฃo, hakarak fanu inan aman to’os nain sira atu kontinua servisu hamutuk ho CCI-TL, Servisu hamutuk ho funsionariu Ministeriu Dezenvolvimentu Rural ne’ebe destaka iha Luro atu nune’e bele organiza ka mobiliza servisu iha baze hodi halo produsaun no buka dalan kria emprezariu husi aldeia.
Iha fatin hanesan Prezidente CCI-TL, Gorge Serano, hatete, iha serimonia kolleta hare ida ne’e hetan prejensa husi Vise-Ministru Ministru hatudu katak ne’e forma ida estadu tomak hamutuk ho CCI-TL sai hanesan parseiru estratejiku buka hodi hadia produsaun rai laran atu dezenvolve setor produtivu sira hodi fo benefisiu ba Povu no nasaun.
“Ha’u hanoin husi inisiu CCI-TL hakarak kria Demoplot Governu liu husi Ministeriu Agrikultura, Prezidente Republika apoiu tebes inisiativa ne’e ohin ita kolleta hetan prejensa husi Vise-Ministru Ministru, ita kolleta iha Vemasi Xefe Estadu partisipa no iha Maliana prejensa husi Ministru Agrikultura, ha’u hanoin ita sei ba tan fatin barak liutan,” dehan nia.
Atu informa ba agrikultor tomak katak, demoplot ne’e sei bele hasa’e produsaun tanba halo kolleta tinan tomak, depois ida ne’e halo investimentu sei koordena ho estrutura CCI-TL kada munisipiu hodi komunika agrikultor sira liu-liu ho joven foinsae sira atu mai ho hanoin foun sira sei la sai deit agrikultor maibe bele sai emprezariu agrikula husi aldeia.
Ba kestaun osan ladun iha problema, CCI-TL sei ajuda sira karik hakarak kria Industria sosa makina ruma ba produsaun CCI-TL sei buka fasilita sira ko’alia ho BNCTL atu fo kreditu ba sira, tanba Governu tau ona osan 50 milloens atu fo kreditu, uluk bolu kreditu suave, agora muda ba kreditu saudavel, entaun ho prejensa Vise-Primeiru Ministru nia espera bele koalia oinsa osan ne’ebe rai ba kreditu ne’e 50% kreditu ba agrikultor sira.
